من طرف العميد الخميس يناير 01, 2009 3:19 amبسم الله الرحمن الرحيم
حبيت انزل لكم قصيدة بخط الشاعر عبد العزيز حسين (خالي (اخو امي)
)وقولولي وش رايكم
الا يـا مسـرع الأيـام
مضى عمري وأنا ساهي
تتالى عام عقبـه عـام
مثل رشفاتي للشاهـي
كبرنا والأماني أوهـام
تلاشت والعمـر لاهـي
أقـول إن الأمـل قـدام
ولا أسمع والاجل ناهي
زحام وتاه وسط زحـام
لأبعـد درب متنـاهـي
حسايف كل أبوها أحلام
توارت ..ذبلت شفاهـي
وش اللي غنته انغـام
وضيفك ميـن يازاهـي
هروج ضايعـه وكـلام
دواهي مالها دوا..هـي
يا دنيا كل أبوها خصام
حلفـت وقلـت والله
ما أبيع الأخره بحطـام
وديني تاجـي وجاهـي
